Vawiin aṭangin MPL Qualifier

Mizoram Premier League Season 10-a khel tur zawnna, MPL Qualifier chu vawiin aṭangin RG Stadium, Mualpuiah khelh ṭan a ni dawn. MPL Qualifier-ah hian club pali - SYS FC, Lunglei DFA; Project Veng FC, Kolasib DFA bakah Aizawl aṭangin Mission Veng FC leh Sihphir Venghlun FC te an tel ang.

Team palite hi vawi khat an inkhel kual chhuak ang a, a sang ber MPL10-ah an khel ang. MPL Qualifier-a pahnihna leh Chanmari FC (MPL9-a pasarihna) nen playoff an khel ang a, vawi hnih inkhelha a chak zawkin MPL10 an khel ang.

Vawiin match hmasa berah hian Mission Veng FC leh Project Veng FC te an inkhel dawn a, chhun dar 12:00-ah an inkhel ang. Tlai dar 2:30-ah SYS, Lunglei leh Sihphir Venghlun FC te an inkhel zui ang. MPL-ah hian Aizawl pawn aṭangin Reitlang FC leh Lunglei FC te an lo tel tawh a ni.

Vawiin Inkhel Tur - RG Stadium
Mission Veng FC 12:00 PM Project Veng FC
SYS, Lunglei 02:30 PM Sihphir Venghlun FC
December 1, Ningani
Project Veng FC Vs SYS, Lunglei
Mission Veng FC Vs Sihphir Venghlun FC
December 3, Inrinni - MFA Ground
Sihphir Venghlun FC 12:00 PM Project Veng FC
SYS, Lunglei 02:30 PM Mission Veng FC