MPL Qualifier-ah Aizawl club-in beisei pha lo

Nimin khan Mizoram Premier League Season 10-a khel tur zawnna, MPL Qualifier chu RG Stadium, Mualpuiah khelh ṭan a ni. Kolasib club Project Veng FC chuan Mission Veng an lehthal a, 2-1 in hnehna an chang. Inkhel dangah SYS, Lunglei leh Sihphir Venghlun FC te 2-2 in an inhnehtawk.

MPL Qualifier-ah hian club pali - SYS FC, Lunglei DFA; Project Veng FC, Kolasib DFA bakah Aizawl aṭangin Mission Veng FC leh Sihphir Venghlun FC te an tel. Team palite hi vawi khat an inkhel kual chhuak ang a, a sang ber MPL10-ah an khel ang. MPL Qualifier-a pahnihna leh Chanmari FC (MPL9-a pasarihna) nen playoff an khel ang a, vawi hnih inkhelha a chak zawkin MPL10 an khel ve bawk ang.

Nimin Inkhel Results - RG Stadium
Mission Veng FC 1 - 2 Project Veng FC
MVFC : KC Malsawmsanga 61'
PVFC : Lalhmunhluna 65'; MS Dawngzuala 89'
SYS, Lunglei 2 - 2 Sihphir Venghlun FC
SYS : Stain Lalṭanpuia 13'; Lalruatsanga 75'
SIH : PC Lalruatfela 11'; JH Lianzuala 25'

December 1, Ningani
Project Veng FC Vs SYS, Lunglei
Mission Veng FC Vs Sihphir Venghlun FC

December 3, Inrinni - MFA Ground
Sihphir Venghlun FC 12:00 PM Project Veng FC
SYS, Lunglei 2:30 PM Mission Veng FC