A thiam pahnih a hriat

Aizawl DFA hnuaia inelna ADFA 1st Division League chu final khel tur a hriat tawh. Semifinal khelh zawh tawh niin, league round-a palina Mission Veng chuan hmahruaitu Kanan 5-0 in an barakhaih.

RG Stadium, Mualpuia inkhelah Mission Veng tan KC Malsawmsanga'n goal hnih a khung a, Daniel Lalhruaitluanga, Lalawmpuia Hnamte leh Fredy Lalrinchhana ten goal khat ṭheuh an khung bawk.

Semifinal inkhel hnuhnung zawkah Siphhir Venghlun chuan Dinthar 2-1 in an hneh. Final hi December 1, Ningani zan dar 6:30 hian RG Stadium, Mualpuiah khelh a ni ang.

Semifinal Results
Kanan FC 0 - 5 Mission Veng FC
MSV: Daniel Lalhruaitluanga 15'; Lalawmpuia Hnamte 18'; Fredy Lalrinchhana 47'; KC Malsawmsanga 57', 82'
Sihphir Venghlun FC 2 - 1 Dinthar FC
SIH: PC Lalruatfela 32'; Andrew Hmingthansanga 90' (OG)
DIN: Jeffrey Lalmalsawma 41'