Warnock-a'n chawlh la tum lo

Neil Warnock chuan football manager hna a chawlhsan hmain team khat la enkawl a duh thu a sawi a, tun season-ah pawh hna chelh tura a inpeih thu a sawi nghal bawk.

Kum 71 mi hian November thla khan Cardiff City a chhuahsan a; kum 50 chhung player, coach leh manager angin football-ah a inhnamhnawih tawh a, match 1,488-ah team a enkawl tawh a ni. Warnock chuan, "Match 1500 thleng turin league match 12 chiah ka mamawh tawh a, hei hian team enkawl hi minti châk a ni," tiin a sawi. Cardiff hi Warnock-a enkawl team 15-na chiah a ni a, English manager hian vawi riat zet a team enkawl chu league sang zawkah kai puiin record a siam.

English manager Warnock chuan sawi chhunzawmin, "Thuthang a awm ṭhin a, dawrtu erawh ka nei lo. A ṭul a nih chuan league hniam zawk League Two team enkawl pawh ka hreh lo a, ka nupui pawhin match 1500 thlenna tur a nih chuan kar eng emaw chhung in chhuahsan pawh lawm takin a pawm ang," tiin a sawi.