East Bengal an chak

Pathianni zan Indian Super League inkhelah East Bengal chuan 3-1 in Jamshedpur FC an hneh a, Kolkata club tan Cleiton Silva chuan goal hnih khungin VP Suhair chuan goal khat a khung bawk.

JRD Tata Sports Complex-a inkhelah Jamshedpur tan Jay Emmanuel-Thomas chuan penalty hmangin goal a khung ve bawk a, mahse, scoreline timawitu chauh a chang.

East Bengal-in tun season ISL-ah vawi thum hnehna an chang ve ta a, season hmasa league round hmahruaitu Jamshedpur erawh a zawna vawi li an tlawmna a ni ta.

Stephen Constantine-a enkawl East Bengal team tan defender pahnih Jerry Lalrinzuala leh Lalchungnunga te an khel tluan a, Men of Steel tan Laldinliana Renthlei leh Ricky Lallawmawma ten bul an ṭan bawk.