AIFF President-in I League club aiawhte a hmu

All India Football Federation president Kalyan Chaubey chuan I League club aiawhte nen Indian football kal zel dan tur an sawi ho. Nimina Football House, New Delhi-a meeting-ah hian I League club aiawhte an kal ṭha a, Aizawl FC aiawhin club Board of Governor Dr. K Pachhunga, MLA a tel a ni.

AIFF president Chaubey chuan, "India ram hi khawvel ram hausa pangana kan ni phak a, federation leh club anga hun rei tak kan lo mitthla tawh hi a tak ramah kan thlentir thei a ni. AIFF hian club hi a ngaihtuah a, club-ten hma an sawn theih nan theihtawp kan chhuahpui zel ang," tiin a sawi.

Meeting hi Kalyan Chaubey-a'n a kaihruai a, AIFF general secretary Shaji Prabhakaran leh deputy secretary General Sunando Dhar pawh telin I League club Gokulam Kerala FC, Mohammedan Sporting Club, Sreenidi Deccan FC, Churchill Brothers FC, RoundGlass Punjab FC, Rajasthan United FC, Neroca FC, Aizawl FC leh Trau FC ten an aiawh an tir bawk.