Vawiinah Lunglei leh Kolasib

Mizoram Premier League Season 10 khel tur zawnna, MPL Qualifier chu vawiin hian RG Stadium, Mualpuiah khelh chhunzawm a ni dawn. Tlai 2:30-ah Kolasib club Project Veng FC leh Lunglei aiawh SYS te an inkhel ang.

Project Veng hian match hmasa berah Mission Veng FC an hneh a, SYS an hneh leh thei a nih chuan MPL khel turin an dinhmun a ṭha dawn. SYS hi Sihphir Venghlun nen an inhnehtawk thung a, MPL khelh an tum a nih chuan chak a ṭul ang.

MPL Qualifier-ah hian club pali - SYS FC, Lunglei DFA; Project Veng FC, Kolasib DFA bakah Aizawl aṭangin Mission Veng FC leh Sihphir Venghlun FC te an tel. Team palite hi vawi khat an inkhel kual chhuak ang a, a sang ber MPL10-ah an khel ang. MPL Qualifier-a pahnihna leh Chanmari FC (MPL9-a pasarihna) nen playoff an khel ang a, vawi hnih inkhelha a chak zawkin MPL10 an khel ve bawk ang.

ROUND 1
November 28, Thawhṭanni - RG Stadium
Mission Veng FC 1 - 2 Project Veng FC
MVFC : KC Malsawmsanga 61'
PVFC : Lalhmunhluna 65'; MS Dawngzuala 89'
SYS, Lunglei 2 - 2 Sihphir Venghlun FC
SYS : Stain Lalṭanpuia 13'; Lalruatsanga 75'
SIH : PC Lalruatfela 11'; JH Lianzuala 25'

ROUND 2
Vawiin Inkhel Tur
Project Veng FC 2:30 PM SYS, Lunglei
December 1, Ningani
Mission Veng FC 7:00 PM Sihphir Venghlun FC

ROUND
December 3, Inrinni - MFA Ground
Sihphir Venghlun FC 12:00 PM Project Veng FC
SYS, Lunglei 2:30 PM Mission Veng FC