Wigan Athletic coach thar Toure

Wigan Athletic chuan head coach atan Arsenal leh Manchester City defender hlui Kolo Toure an lalut. Kum 41 mi Toure hi football khelh a chawlhsan hnuin Celtic leh Leicester City coaching staff-ah a tel tawh a, Wigan hi ama puala team a enkawl hmasak ber tur a ni.

Toure hian kum thum leh a chanve daih contract a ziak a, Wigan hi Leicester aṭangin a zawm. Wigan hi Championship-ah an awm a, match 21-ah point 23 chauh an hmuh avangin table-ah 22-naah an awm a, relegate thei dinhmunah an ding.

Yaya Toure unaupa Kolo Toure hian Ivory Coast tan kum 2000-2015 chhung khan match 120 a khel a, English club lian pathum Arsenal, Man City leh Liverpool tan a khelh hnuah Celtic-ah a hun tawp a hmang a ni.