Vawiinah New Zealand leh India

India leh New Zealand chuan tukin zing dar 7:00 hian ODI match thum an khelh tura a hnuhnung ber chu Hagley Oval-ah an khel dawn. Men in Blue hian December 4, Pathianni aṭangin Bangladesh nen ODI match thum an khelh tura hmasa ber an khel lehnghal ang.

India hian Black Caps hi T20-ah an hneh tawh a, ODI hi November 25, Zirtawpni aṭang khan khelh ṭan a ni. ODI hmasa berah New Zealand hian wicket sarihin hnehna an chang a, ODI vawi hnihna hi ruahsur vangin an khel zo thei lo.

Black Caps hian series-ah 1-0 in hma an hruai mek a, India hian vawiina hnehna an chang a nih chuan series-ah an nih rual thei ang. Ruah sur vanga an khel thei lo leh a nih chuan New Zealand hian 1-0 in hnehna an chang dawn.