India-ah Arsene Wenger?

All India Football Federation (AIFF) tarlan dan chuan, India ramah Arsene Wenger a lo kal mai thei. Arsenal manager hlui, tun dinhmuna FIFA Chief of Global Football Development ni mek Wenger hi tun hnai khan AIFF president Kalyan Chaubey nen an inhmu a ni.

Thuchhuah siamin AIFF chuan, "Kalyan Chaubey chuan tun hnai khan kum naupang lam football lama tih hmasawn theih nan FIFA leh AFC hotute a bia, India rama naupangte inkhelh dan leh kalphung chungchanga thurawn pe turin Chief of Global Football Development Arsène Wenger a lo kal mai thei.

"Wenger hi a lo kal a nih chuan, naupang tana hmalakna hrang hrang kalpui lai a enpui ang a, hma an sawn lehzual theih nan thurawn a pe bawk ang," an ti. Chaubey bakah hian AIFF secretary general Shaji Prabhakaran pawhin FIFA hotute hi a kawm ve bawk.