Odisha khelmualah chak nei lo NorthEast

Tun season Indian Super League-ah NorthEast United-in record thar an siam - an record siam erawh a duhawm lo a, a zawna match sarih an tlawm tawh avangin season khata tlawm zawn rei ber record an siam.

Zanin dar 7:30-ah Highlander hian insiamṭhatna remchang an nei dawn a, khualmualah Odisha FC an lenchilh ang - Mizo player kawl hnem team pahnih intawng tur an ni a, a hmuhnawm dawn.

Odisha hian Mizoram player pariat an kawl a, Jerry Mawihmingthanga'n match sarih khela goal hnih khung tawhin, assist vawi khat a nei a, midfielder Isaac Vanmalsawma (7 matches), forward Isak Vanlalruatfela (4) leh midfielder Paul Ramfangzauva (2) ten hmun an chang ṭhin bawk.

NorthEast United-ah Mizo pali an awm a, midfielder Emanuel Lalchhanchhuaha (6 matches), Joe Zoherliana (5) leh forward Rochharzela (5) ten hmun an chang ṭhin a, R. Laldanmawia erawh hliamin a tlak buak avangin a la inlan lo.