TNT-ah Judo inelna

Thutak Nunpuitu Team (TNT) chuan Mizoram Judo Championship vawi 25-na an thleng, inelna hi TNT hmunpui Muanna Vengah khelh mek a ni a, ruahman dan chuan vawiin hian khar a ni ang.

Inelnaah hian club 12 aṭangin judoka 130 an tel a, weight hrang hrang 32 awmin sub junior, junior leh senior huangah an inel dawn a, hetih lai hian India ram hmun hrang hranga Centre of Excellency hnuaia Mizo judoka panga an awm mek a ni.

October 12 khan Gujarat-ah National Games vawi 36-na khar a ni a, judo-ah Lalhumhimi (52 kg) a champion a, Mizoramin gold medal a lak awm chhun a ni. Kum 1987 aṭangin Mizoramin judo aṭangin National Games medal pathum a dawg tawh a ni.