Rashford hmalam hun a chiang lo

Marcus Rashford chuan England tan World Cup-ah match thum khelin goal thum a khung a, Qatar-ah Manchester United forward hi a che ṭha hle.

Kum 25 mi Rashford hian Old Trafford-ah June 2023 thleng contract a nei a, Man United-in June 2024 thleng pawhsei theih dan a awm.

Amaherawhchu Man United hian kum khat lek atan pawhsei an tum lo a, hun rei zawk atan Rashford contract hi pawhsei an tum.

Rashford hi Man-chester-a piang leh seilian a ni a, kum sarih a nih aṭangni Man United academy-ah a awm tawh. A ṭhat hma avangin kum naupangtein senior team tan a khel a, loan-a a la chhuah loh avangin 'one-club man' an tih ang kha a la ni.