Bayern-ah Neuer a nghet

Germany no. 1 goalkeeper Manuel Neuer chuan kumin May thla khan June 30, 2024 thleng contract a pawtsei. Bayern Munich keeper Neuer hi kum 36 mi a ni tawh a, a contract a hman zawh hian kum 38 a ni ang.

Bavarians CEO Oliver Kahn chuan, "Manuel hian tun thlengin world class a ni tih a lantir a, hetianga a khelh reng chuan kum 40 thleng pawh a khel thei ang. A khelh ṭhat chhung chuan a contract kan pawtsei zel turah ka ngai," tiin Neuer-a'n hun rei zawk a khelh theih thu a sawi.

Neuer hi footballer hlawhtling ber zinga mi a ni a, FIFA World Cup 2014-a Germany champion ṭum khan golden glove a dawng a, inelna hrang hrangah a champion hnem tawh hle.