Mendes-a World Cup a tawp

Portugal defender Nuno Mendes chu a malpui hliam vangin tun ṭum FIFA World Cup-ah a inlan thei dawn tawh lo. Kum 20 mi Mendes hi Uruguay nen an inkhelh ṭumin a inhliam a, minute 42-naah lakchhuah a ni.

Qatar-a inelna neih mekah hian Portugal hian match hmasa pahnihah Ghana leh Uruguay an hneh avangin last 16 an lut tawh a, Mendes awm lo tur hi coach Fernando Santos tan channa nasa tak a ni thei ang.

Mendes hi player talent nei ṭha bik a ni a, Euro 2020-ah khan Portgual squad-ah awm tawhin kum 2021 khan PSG a zawm. Ligue 1 champion tan hian season liam ta khan match 27 a khel thei a, kuminah pawh match 12 a inlan tawh a ni.