Judo inelna an zo fel

Nimin khan 25th Mizoram Judo Championship 2022 chu an zo fel a, gold medal 14 latu leh a thlengtu ni bawk Thutak Nunpuite Team an champion a, silver medal leh bronze medal 11 ve ve an la bawk.

Muanna Venga inelna neihah gold medal paruk bakah, silver panga leh bronze medal pahnih latu Sports Authority of India chu pahnihna an ni thung.

Inelnaah hian club 12 aṭangin judoka 130 an tel a, weight hrang hrang 32 awmin sub junior, junior leh senior huangah an inel dawn a, hetih lai hian India ram hmun hrang hranga Centre of Excellency hnuaia Mizo judoka panga an awm mek a ni

October 12 khan Gujarat-ah National Games vawi 36-na khar a ni a, judo-ah Lalhumhimi (kg52) a champion a, Mizoramin gold medal a lak awm chhun a ni. Kum 1987 aṭanga chhiarin Mizoramin judo aṭangin National Games medal pathum a dawng tawh a ni.