Project Vengin MPL khel dawn

Mizoram Premier League Season 10-a khel tur zawnna, MPL Qualifier-ah Project Veng FC-in match hmasa pahnih an chak a, umpha thei an awm tawh lo. Kolasib club hian season thara MPL an khel dawn a, Lunglei FC hnua Aizawl pawna ṭanga MPL khel leh hmasa ber tur an ni.

MPL Qualifier hi vawiin hian MFA Ground, Sairang Dintharah khelh zawh a ni dawn. MPL khel tur chiang tawh mah se playoff khel tur a la chiang lo thung. ADFA first division champion Shiphur Venghlunin tling tawh Project FC an hmachhawn dawn a, hnehna an chang a nih chuan playoff an khel ang.

Chutihrualin Project Veng FC hian Sihphir Venghlun lakah point an hlawh chhuak a nih chuan Mission Veng FC leh SYS, Lunglei inkhela chak zawk zawkin playoff an khel thung ang. Playoff hi MPL9-a pasarihna Chanmari FC nen khelh tur a ni a, vawi hnih inkhelha a chak zawkin MPL10 an khel ang.