Mumang ramah Morocco

Hakim Ziyech-a goal mawi bakah Youssef En-Nesyri-te goal hmangin Morocco chuan Canada 2-1 in an hneh a, kum 1986 hnua a vawi khat nan World Cup last 16 an in pet kai ve leh ta.

Minute hnihna lekah Ziyech hian yard 30-a hla aṭangin 'cool' zetin a khung a, wing back ṭha mi Achraf Hakimi-a pass ṭha tak dawngtu En-Nesyri tan harsatna a awm lo bawk, chawlhlawk dawna Nayef Aguerd-a'n anmahni lama a tih luh chuan awmzia a nei phak tawh lo.

Morocco hian World Cup hnuhnung ber pawh kha an khel, mahse vawi khat mah an chak lo. Inelna neih inkarah nasa takin hma an sawn tih a chiang a, tunah zet chuan Croatia, Belgium leh Canada te chungah an awm.

Morocco defender Achraf Hakimi chuan, "Coach Walid Regragui hi kan ringtawk, ani hian hna ropui tak tak min tihsak, hun a hman rei loh dan ngaihtuah phei chuan tuna kan dinhmun hi lawmawm tak a ni," tiin a sawi.