December 2-ah Futsal coach inzirna

Mizoram Football Association chuan December 2 hian Ramhlun Sports Complex-ah Futsal Trainer's Training an buatsaih dawn.

MFA Futsal Committee chuan MFA hnuaia futsal club zawng zawngte chu an coach emaw, an aiawh zo tur mi pahnih tir turin an hriattir. Zing dar 10:30-ah registration ṭan a ni ang a, dar 11:00-ah ṭan tur a ni ang.

Tun hnaia Asian Football Confede­ration Level 1 Futsal Course zir chhuakte'n futsal club aiawhte hi an zirtir dawn a, FIFA futsal dan leh hraite bakah coaching pek dan tura hriat ngai a bul ṭhutte zirtir an ni ang.

MFA Futsal committee hnuaiah hian Futsal League khel tur team 16-te bakah Division One club-te an awm a, he training hi MFA hnuaia club zawng zawng tan a ni a, futsal lamah awmze neia ke pen turin coach-te inzirna hun hi buatsaih a ni.