ADFA I Div final-ah Zo United vs AFC Academy

Aizawl Distrist Association hnuaia inelna lian leh ngaihhlut I Division League chu vawiin tlai dar 5:45 hian Lammualah a hmawr bawkna neih a ni dawn a, Mizoram Premier League lama tawnhriat nei tawh Zo United FC leh Aizawl FC Academy ten nomawi an inchuh ang.

League round-a hmahrauitu Aizawl FC Academy hian Chawnpui FC si khat faia an hneh loh bak chu chak loh an nei lo a, vawi nga hnehna changin an khingpui nen vawi khat an inhnehtawk, an draw awmchhun hi tun ṭuma an hmachhawn tur Zo United hi an ni.

MPL aṭanga an tlak hnuah Zo United hian insiam thar an duh a, ADFA I Div League-ah pawh an khel chhe lo. Match sarih khelhah goal 14 khungin match tin goal hnih zel khung ang an ni a, an tlarhma an hriam. Chutihrualin an mahni lamah goal 10 ngawt a luh ve tho avangin nomawi chawi tur chuan goal ven fimkhur a ngai hle ang.