Boxer inbuk ṭha dawn

Gionee LPS Pro Fight-a quarterfinal lut zawng zawng an inbuk ṭha leh vek dawn, champion laite nen December 5-ah Hawla Indoor Stadium, Republic Vengthlangah an inbuk ang.

Pro Fight ṭan a nih hma November 4 khan a tel zawng zawng an inbuk tawh a, thla khat hnuah weight hrang pangaa quarterfinal lutten an rihna an vawng dik em tih enfiah nan buk ṭhat an ni dawn a, medical test an hmachhawn tel dawn.

Champion laite pawhan inbuk dawn a, cham-pion lai zingah eng emaw rokhawlhna nei an awm a nih chuan organising committee-in hun remchang danga inbuk a phalsak thung a ni.

Inelna hi a tir aṭangaround of 16 thleng Ramhlun Boxing Hall-ah khelh a ni a, quarterfinal atanga Title Fight thleng R Dengṭhuama Indoor Stadium, Mualpuiah khelh a ni ang a, December 7 aṭangin quarterfinal ṭan a ni ang.