Mahuma Memorial I Div Ramhlun Venglai-in Tlangnuam an sawp

Mahuma Memorial Cricket Tournament nimin inkhelah Ramhlun Venglai chuan awlsam takin Tlangnuam an hneh a, run 159 ngawtin hnehna an chang.

Suaka Cricket Ground, Sihhmuia inkhelah Ramhlun Venglai an bat hmasa zawk a, Henry Zosangzuala chuan run 73 ngawt rawn siamin a khel ṭha fal hle. Henry bakah hian Robert Lalfamkima (37) leh Lalṭhakima (26) te pangngai takin an bat bawk a, over 40 a thlen meuh chuan RVL hian wicket sarih chiah hlohin run 216 an tlin thei a ni.

Tlangnuamin target sang tak nei mah se bul an ṭan chhe takzet a, bowler Ruatdika (11/2), Remtluanga (12/3) leh Robert (12/3) te an vawm ṭhat avangin Tlangnuam CC ten over 19.3 ah Run 56 bak tlin thei loin an out vek a, Ramhlun Venglaiin chiang takin hnehna an chang a ni.

Nimin Inkhel Result
Ramhlun Venglai CC: 216/7 (40) bt Tlangnuam CC: 56/10 (19.3)
*Run 159-in Ramhlun Venglai CC an chak
Vawiin Inkhel Tur
09:30 AM Zarkawt Lords vs Gorkha CC