Honda MPL9 mimal lawmman dawng thei tur chhawp chhuak

Mizoram Football Association chuan Honda Mizoram Premier League Season 9-a mimal lawmman dawng thei tur list chu nimin khan an ti chhuak a, player 16 thlan chhuah zingah finalist FC Venghnuai leh Chawnpui FC te player thawh belhkhawm chu player panga chauh a ni.

FC Venghnuaiin player pahnih chauh an thawh a, Chawnpui FC-in player pathum an thawh. Chutihrualin player ṭha dawng thei tur hi season tluana an khelh dan thlir a ni a, league round thununtu Aizawl FC-in player pali an thawh. Table mawngphaha awm FC Bethlehem-in player an thawh lo.

Best Goalkeeper
1 Joel B Lalramchhana FC Venghnuai
2 RS Lallawmzuala Chhinga Veng FC
3 F. Lalmuanawma Mizoram Police FC
4 Vanlalhriata Electric Veng FC

Best Defender
1 Lalrinchhana Tochhawng Chawnpui FC
2 Lalchhawnkima Aizawl FC
3 Lalruatfela FC Venghnuai
4 Daniel Lalliana Mizoram Police FC

Best Midfielder
1 C. Lalhunmawia Chanmari FC
2 Vanlalremkima Electric Veng FC
3 K. Vanlalhriatzuala Chawnpui FC
4 K. Lalrinfela Aizawl FC

Best Forward
1 MC Malsawmzuala Chawnpui FC
2 Malsawmfela Mizoram Police FC
3 MS Dawngliana Aizawl FC
4 Jonathan Lalrawngbawla Electric Veng FC