Sihphir Venghlun-in MPL Playoff khel dawn

Mizoram Premier League Season 10-a khel tur zawnna, MPL Qualifier chu Inrinni khan MFA ground-ah khelh zawh a ni. Aizawl DFA champion Sihphir Venghlun chuan MPL khel tura inpettling tawh Project Veng FC chu 4-1 in an sawp. Sihphir Venghlun hian point nga an hmu a, pahnihna dinhmun hauhin MPL9-a pasarihna Chanmari FC nen MPL Playoff an khel ang.

MFA ground-a inkhelah Kolasib club-in bul an ṭan ṭha a, MS Dawngzuala'n minute thumna lekah goal hmahruai a khung. Sihphir Venghlunin goal chhuah hmasa mah se PC Lalruatfela hmangin first half-ah siphurh an sut a, second half-ah Lalruatfela, JH Lianzuala leh Dinsangliana te hmangin an khung belh.

Sihphir Venghlunin Project Veng FC an hneh avangin SYS, Lunglei leh Mission Veng FC inkhel result-in nghawng a nei tawh lo. SYS tan C. Malsawmtluanga leh Lalmuanawma Sailo ten goal hnih ve ve an khung a, 4-1 in hnehna an chang.