Blues manager Conte-a'n thubuai a nei

Football Association chuan Chelsea manager Antonio Conte chu Swan­sea City nen an inkhelh ṭuma a chet dan mawi lo avangin thubuai an siamsak a, a hremna tur erawh puan zar a la ni lo thung - Italian manager hian Thawhlehni zan dar 11:30 thleng a thubuai hi a khinglet thei ang.

Chelsea hian Nilaini zan khan Premier League inkhelah Swansea City chu 1-0 in an hneh a, goal khung loa team pahnih inhnehtawk laiin Blues hi an beisei corner pek an ni lo. Conte chuan hei hi hrethiam loin a che uchuak hret a, referee chuan technical area-a a awm phal loin a hnawt chhuak hial a ni.

Stamford Bridge-a inkhelh zawhah Conte hian ngaihdam dil nghalin, "Ka thin a rim em avangin ka chesual a ni. Ka player-te an beisei ang thutlukna pek an nih loh chuan ka lo buai ve ṭhin a, ka chet dan avang khan ngaihdam ka dil a ni," a ti a, a thubuai hi a pawm dawn nge ngaihtuah ṭhat turin a thlen dawn a la hriat loh.

Chelsea hian zanin dar 6:00-ah Europa League nomawi lo chawipui tawhtu Rafael Benitez-a enkawl Newcastle United an mikhual ang.