Volleyball thiam Chhinga Veng

Mizoram Volleyball Assoaciation hnuaia inelna ngaihhlut Invi­tation Tournament 2017 chu Ningani zan khan khelh zawh a ni a, tualchhung team ṭha Chhinga Veng VC chuan Shillong aṭanga rawn inlan Assam Re­gimental Centre hnehin nomawi an chawi.

Tuikual Indoor Sta­dium-a inkhelah Chhinga Vengin team ṭha ber an nih zia an lantir a, set khat hloh ve mah se ARC lakah hian 25-20,16-25, 25-22, 25-10 (3-1) in hneh­na an chang thei. Chhinga Veng player pahnih Sujith Acharaya leh Hmangaihthanga te kutah best spiker leh best setter lawmman hlan a ni bawk.

MVA invitation-ah hian Pro-Division club paruk - Chhinga Veng VC, Hunthar VC, TNT VC, Anastasia VC, Ramhlun SC leh Durtlang North VC te an inlan a, anni bakah hian state pawn aṭangin Assam Regi­mental Centre (ARC Shil­long) leh BSF R&N Fron­tier te an rawn tel a ni.

June thlaa khelh zawh tak Mizoram volleyball inelna sang ber GIG Motors Pro Volleyball League-ah khan Chhinga Veng hian final an khel tawh bawk a, mah se Hunthar Veng hneh loin pahnihna an ni, tun ṭumah erawh semifinal-ah Chhinga Veng hian Hunthar hi hnehin final an lut thei a ni.