Everton manager thar Allardyce

Premier League club Everton chuan kum 2019 June thla thleng an club enkawl turin Sam Allardyce an lalut. Allar­dyce-a hna hmasa ber atan zanin dar 8:00 hian kai thar Huddersfield an mikhual nghal ang.

Kum 63 mi Allardyce hian Dutch manager Ronald Koeman hmun ruak a luah dawn a, tun din­hmunah Toffees hi league table-ah 13-na an nih avangin a hna hi a awlsam dawn lo; chutihrualin an match hnuhnung berah West Ham chu 4-0 ngawt an sawp theih avangin beiseina an neih lai a ni.

England manager hlui Allardyce chuan, "Everton hian sulhnu ropui tak a nei a, chu chu he hmun ka pan duhna chhan a ni. Dinhmun khirhkhan takah kan ding mek tih chu hriatchian sa a ni a, he hun harsa aṭanga khai chhuah hi ka tum dawn a ni, ka hna thar thawh hlan ka nghakhlel tawh hle," tiin a sawi.

Premier League a tawnhriat ngah tawh Allardyce hian season hmasa khan tlak hlauh­thawnawma awm Crystal Palace chu a inhamtan pui a, May thla khan a hna hi a bansan zui; thla ruk hnuah hna nghet a thawk leh dawn chiah a ni.