Djokovic-a coaching team-ah Stepanek

World number 1 hlui Novak Djokovic chuan Ningani khan a coaching team zingah Radek Stepanek a tel thu a ti chiang a, season hmasa tawp lama a thawhpui Andre Agassi te nen an pathumin an thawkho dawn tihna a ni.

Grand Slam champion tawh Agassi leh doubles specialist ni ṭhin Stepanek te hian Djokovic-a coach hmasa pahnih Boris Becker leh Marian Vajda te ai an awh dawn a ni. Djokovic hi nikum khan kum sarih chhung zet a lo thawhpui tawh Vajda leh hlawhtlinna a chan theih nan mi ṭangkai tak Becker te nen an thawhhona an titawp.

Serbian thiampuipa Djokovic hi tun season chhung chu hliam vangin a inkhel tam lo a, court chhunga a luh chinah pawh beisei ang result ṭha a nei lo; world number 1 ni ṭhin kha tun dinhmunah chuan number 12-naah a tla hniam rih, December 28-30 chhunga exhibition event khelh tur Abu Dhabi Open-ah a inlan theih beisei a ni.