Dahrawka Memorial Chess

Mizoram chhunga chess inelna ngaihhlut ber zinga mi PS Dahrawka Memorial MCA Rating Chess Tournament vawi 37-na chu December 19-22, 2017 chhung hian Synod Conference Centre, Aizawlah neih a ni dawn. Mizoram Chess Association buatsaih inelnaah hian pawisafai Rs 1,13,200 sem ral a ni ang.

Inelna hi open category bakah kum bithliah inelna Under 7, 9, 11, 13, 15 leh 17 te a awm ang a, kum naupang ber leh upa ber tan special prize siam a ni ang. Open Category-a pakhatna dawn tur zat hi Rs 25,000 a ni dawn a, 30-na thlengin lawmman an dawng ang.

Entry fee hi December 16, Inrinni ral hmain S.P., Wireless (MPRO) Office, Khatla Tlang emaw JL Pharmacy Upper Bazar, near City Bus Stand (Civil Hospital)-ah pek theih a ni. Entry fee hi open Category-ah Rs. 200, Under 15 & 17-ah Rs. 50 leh Under 13, 11, 9 & 7-ah Rs. 30 a ni dawn.

Inelna hi MCA Rating Championship a nih angin MCA registered player tan chauh khelh theih a ni a, registration hi engtiklai pawhin entry fee peknaah tih reng theih niin puitling tan Rs.100 leh naupang tan Rs.50 a ni. Phone number 9856738137 / 9436196647 / 8014158646 / 8258081211 ah te zawhfiah theih a ni.