Intlansiak 23 awm dawn?

Car intlansiakna sang ber Formula 1 chuan season thara an tlan dan tur an ti chhuak a, inelna 23 a awm ang. Hripui leng leh harsatna dang eng emaw a awm a nih chuan calendar siamsa hi tih danglam theih erawh a la ni.

Formula 1 CEO leh president ni bawk Stefano Domenicali chuan, "Intlansiak 24 awmtir kan tum a, tih chian theih chin erawh 23 a la ni thung. Intlansiak hian ngaihhlut a hlawh zel a, kum tharah pawh hma kan sawn ngei ang," a ti.

Tun hnai F1 season hnih hman zawh takah Max Verstappen a champion, season tharah pawh Red Bull driver hi enbik hlawh a ni leh ngei ang.

Mercedes driver Lewis Hamilton a la chawk lo bawk a, world champion vawi sarih ni tawh hian record thar siam a tum leh dawn, intlansiak a hmuhnawm leh dawn.