December 8-ah MPL Playoff first leg

Mizoram Premier League Season 10 khel tur zawnna MPL Playoff first leg chu December 8, Ningani chawhma dar 11:00 hian Lammualah khelh a ni dawn. MPL9-a pasarihna Chanmari FC leh MPL Qualifier-a pahnihna Sihphir Venghlun FC ten an khel ang. Second leg khelh hun hi tih chian a la ni lo.

MPL ṭantirh aṭanga team ṭha zinga tel pha Chanmari FC hian MPL2 aṭanga MPL8 thleng khan knockout stage an thleng pha vek. MPL9-ah erawh Chanmarians tan chanchin duhawm loh a thleng a, season dang angin sum hmang tam tho mah se relegation playoff an khel dawn.

Chanmari FC hian MPL khel chhunzawm tur chuan Aizawl District champion Sihphir Venghlun an hneh ngei a ṭul dawn a, amaherawhchu chetsual theihna a ni ang. Sihphir Venghlun hian qualifier-ah hneh loh an tawng lo a, MPL hneh tura inpetling Project Veng FC chu 4-1 insawp thei mah se SYS, Lunglei leh Mission Veng FC nen an inhnehtawk avangin playoff an khelh a ṭul phah ta a ni.