PMJVK Mamit DFA Cup 2022

PMJVK Mamit DFA Cup 2022 chu Laldenga Football Ground Tuidamah khelh mek a ni a, inelna hi December 2, 2022 khan Mamit District Football Association president Lairokhuma'n a hawng.

PMJVK Mamit DFA Cup 2022-ah hian Mamit District chhung aṭangin club ṭha bik 12 an tel a, inelnaa champion hian Mamit District aiawhin MFA Cup 2023 an khel ang.

Mamit DFA Cup hi Mamit District chhunga Football Club-in tihsiakna sang ber a ni a, kumin hi a vawi ngana a ni. Kum 2016 khan inelna hmasa ber chu Mamit-ah khelh a ni a, kum 2017 khan Zawlnuamah neih niin Reiek (2018) leh Kawrthah (2019) ah neih a ni tawh bawk.

Covid-19 hri leng vanga kum hnih chhung neih a nih loh hnuin kumin hian Tuidamah neih leh a ni. PMJVK Mamit DFA Cup 2022 hi December 9, 2022 hian Final khel tura ruahman a ni a, inelna hi PMJVK-in an sponsor.