Atalanta midfielder a thi

Serie A club Atalanta midfielder Andrea Rinaldi chu a thluaka thisen zam chiang lo vangin a thi a, kum 19 mi chauh a la ni.

Zirtawpni khan a chenna Italy hmar lama awm Como-ah mimala training a neih laiin a na a, a hnuah Varese damdawi inah hruai ni mah se Thawhṭanni khan a thi.

Rinaldi-a hi Atalanta academy aṭanga inzir chhuak a ni. Under 17 huangah chuan league nomawi leh Super Cup a chawi tawh, tun season hi intuaihriam turin Serie D club Legnano tan a khel.

Atalanta chuan Rinaldi thihna in a barakhaih thu sawiin, "Engtik lai pawhina club tana mi inpe leh ṭangkai, midang ten an ngainat leh kawmngeih a ni. Khelmual chhunga theihtawp chhuah ṭhin, hma taka min kalsan hi a pawi kan ti takzet," an ti.