New Serchhip an thiam ber

Mizoram pum huap Lal Sawmliani & Lal Thanchunga Memorial Football Tournament chu Inrinni khan Khawtetlang khelmualah khelh zawh a ni a, New Serchhip FC chuan Serchhip Kawnpui lakah 6-0 a hnehna changin a zawna a vawi hnih nan an champion.

Serchhip District FA buatsaih inelna lianah hian New Serchhip hian tun hnaiah anmahni khing zo an hmu meuh lo, final inkhelah hian R. Lalremruata leh H. Vanlalremruata ten goal hnih an khung bakah MS Dawngzela leh V. Lalhlimawma ten goal an khung bawk.

Tun ṭum inelnaah hian team 12 an inlan a, match 22 khelh niin goal 56 a lut. Best player atan Rodinsanga (FCSK) thlan niin goal nga khungtu PC Vanlalhmangaihzuala (AWC FC) chu top scorer a ni a, champion New Serchhip hian Fairplay lawmman an dawng tel bawk a ni.