Mahuma Memorial I Div Kulikawn chelhdingtu Chanmarians

Mahuma Memorial Cricket Tournament khelh mekah Chanmarians chuan Inrinni khan phuba an la a, President's Cup Final-a an ngam loh Kulikawn chu wicket hnihin an hneh.

Suaka Cricket Ground-a inkhelah Kulikawnin vuak hmasak an thlang a, run 74 zet vaw chhuaktu captain Michael Lalremkima a che ṭha hle. Over 40 a zawh meuh chuan Kulikawn hian run 174 an tlin thei a, wicket kua an hloh.

Chanmarians-in Kulikawn lakah phuba lak ngei an duh a, an beisei ang ngawta awlsam erawhin hnehna an chang bik lo. Kulikawn bowler H. Zothanchhunga chuan over riat a vawmah run 28 chiah pea wicket li a rawn lak avangin Chanmarians an talbaui hman. Mahse, bowling lama wicket thum latu JUN bawk a inlar a, ani hian run 71 zet rawn vaw chhuakin Chanmari club hian over 35-ah wicket riat hlohin an target an umpha a ni.

Inrinni Inkhel Result
Chanmarians: 175/8 (35) bt Kulikawn: 174/9 (40)
*Wicket hnihin Chanmarians an chak
Vawiin Inkhel Tur
09:30 AM Zemabawk Pitchers vs Chhinga Veng CC