South Korea boss Bento a bang

World Cup round of 16 aṭanga an tlak hnuah South Korea coach Paulo Bento chuan a hna a bansan zui a, "Kan hma hun kan ngaihtuah a ngai a, chu kan hma hunah chuan South Korea an tel tawh lo a ni," a ti.

Kum 53 mi coach hian August 2018 khan South Korea enkawl hna hi a thawk ṭan a, match 57 kaihruaiin vawi 35 hnehna a chanpui a, vawi 13 an khingpui inhnehtawkpuiin, vawi kua an tlawm.

South Korea tana 61.40 win percentage neitu Bento chuan, "Player te leh South Korean federation President hnenah ka thutlukna hi ka sawi tawh a, September aṭanga ka rilrua lo awm sa tawh a nih avangin ka thutlukna hi sawh sawn thei ka ni tawh lo," a ti.

Bento chuan, "South Korea coach ka nihna chu ka bansan ta a, ka tana an hnathawh zawng zawng avangin South Korea chungah lawmthu ka sawi a ni. An theihna sang ber an hlan a, an manager ka ni thei hi ka lawmin ka inchhuang takzet a ni," a ti.

Portugal pawh lo en tawh Bento hian June 2002 khan Portugal tana a match hnuhnung ber chu World Cup-ah a khel a, South Korea lakah 1-0 in an tlawm.

World Cup 2022 a herchhuah meuh chuan South Korea coach a ni a, hmana an ngam loh team enkawlin, an ram Portugal bawk hi a hneh nawnpui - group stage-ah last 16 an luh theih nan Cristiano Ronaldo neitu team hi 2-1 in an hneh a ni.