Messi-a'n sum a thawh hnem

Lionel Messi chuan Argentina rama Covid-19 kaite ṭanpuina a tan sum a thawh hnem, damdawi lam mamawh lei nan $540,000 (Rs nuai 407) a thawh.

Argentina khawpui Buenos Aires-a awm Hospital Garrahan tan sum hi hman a ni dawn, damlo enkawl leh invenna kawnga an mamawh hrang hrang lei nan hman 

a ni ang.

Garrahan executive director Silvia Kassab chuan, "Argentina mipui hrisel theih nana a tha thawh hi a ropui kan ti, a chungah kan lawm takzet," tiin a sawi.

Argentina captain hi tunah chuan Barcelona-ah a awm mek, Spanish La Liga khelh chhunzawm theih beiseiin mimal training a nei ṭan leh tawh a ni.

La Liga hi June 12 vel aṭanga khelh chhunzawm theih an beisei mek. League an chawlh lailawk hma khan Barca chuan an elpui Real Madrid lakah point hnihin hma an hruai a, a zawna season thum nan champion an tum.