Mahuma Memorial I Div Chhinga Veng tan Zemabawk hneh a harsa lo

Mahuma Memorial Cricket Tournament nimina inkhelah Chhinga Vengin hnehna chang turin harsatna an tawk lo a, Zemabawk Pitchers chu wicket 10 ngawtin an sawp.

Zemabawk Pitchers-in Suaka Cricket Ground-ah vuak hmasak an thlang a, an beisei ang erawh a ni lo–Chhinga Veng bowler tan Pitchers batsman ho hmaah an thiam thil an 'show'-a over 23 a zawh meuh chuan Zemabawk-in run 72 chiah siamin wicket an hloh fai vek! 3C bowler zingah Chhandama 10/4 leh Sumit 7/2 te an che ṭha hle.

Chhinga Vengin an target sang lo tak um turin harsatna an tawk lo a, opener K. Vanlalruata (14 runs) leh Samik Das (51) ten out loin an target hi an umpha a, 3C an chak chiang hle.

Nimin Inkhel Result
Chhinga Veng: 73/0 (11.1) bt Zemabawk: 72/10 (23 overs)
*Wicket sawmin Chhinga Veng an chak
Vawiin Inkhel Tur
09:30 AM Zarkawt Lords vs Tlangnuam CC