Roa an kap hlum

Olympic weightlifter Edwin Mosquera Roa chu Colombian khawpui Palmira-ah silai a kah a ni a, a thi zui nghal. Mosquera Roa hi sipai ni ṭhin a ni a, Engineers Agustin Codazzi Battalion-ah kum 14 chhung a lo awm tawh a ni.

Kum 32 mi Mosquera Roa hi nikum Rio Olympic-ah khan Colombia tan a inlan a, mipa ritchawi 69kg category-ah inlanin pasarihna a ni. Colombia Olympic Committee chuan, "Tun hnaia ram chhunga infiammi hmasawn leh beisei awm ber pakhat kan chan hi pawi kan ti takzet," an ti.