Asia-a inlan tur AFC

Asia khawmualpuia club football inelna sang ber dawttu AFC Cup draw chu nimin khan Kuala Lumpur, Malaysia-ah neih a ni a, Aizawl FC chu Group E-ah Maldives club New Radiant nen an awm.

Mizo club hi Bangladesh Football Premier League champion leh South Asia Playoff-a champion-in an zawm ve leh ang. South Asia Playoff khel tur zingah hian Federation Cup champion Bengaluru FC an tel.

Aizawl FC hian I League nomawi an chawi avangin January 30-ah Iranian club ṭha Zob Ahan nen AFC Champions League playoff an khel dawn a, Champions League khel tur hian an inpetkai a nih chuan AFC Cup-a an hmun ruak hi I League-a pahnihna Mohun Bagan-in an luah ang a, an inpetkai zo lo a nih erawh chuan AFC Cup hi an khel thung ang.