Hyderabad FC coach thar Albert Roca

Indian Super League-a team talbuai mek Hyderabad chuan an manganna aṭanga chhan chhuak turin Albert Roca lam an hawi a, Bengaluru FC boss hlui hi season thar aṭanga an coach a nih tur thu an puang. 

Roca hian tun season bikah chuan adviser angin hun a hmang ang a, Hyderabad management team lam chu club an kalpui danah thurawn a pe ṭhin dawn a ni. Season hnih chhung ISL club enkawl tura contract ziaktu Roca chuan, "ISL-a ka lo kir leh thei ta hi ka lawm takzet. Hyderabad FC-ah season thar leh nakin zel atana team ṭha tak din tura hma ka la thei tur hi ka lawm hle a ni," a ti.

 

R. Laldanmawia khelhna Hyderabad FC hi ISL-a an match khelh tawh vawi 12-ah vawi khat chiah an la chak a, coach Phil Brown an ban hnuah Roca an lakluh thu an puang ta a ni. Hyderabad hian zanin dar 7:30-ah Phil Brown tel loa an match hmasa ber an khel dawn a, Lalchhuanmawia Fanai, Jerry Mawihmingthanga leh Daniel Lalhlimpuia te khelhna Odisha an mikhual ang.