Djokovic bul ṭanna tur Australia

Novak Djokovic chuan season thar a hman ṭanna tur a ti chiang. Australian Open a khel dawn a, inbuatsaihna hmasa atan Australia rama khelh tur Adelaide International a khel dawn - tournament buatsaihtu lam chuan Novak inlan tur thu hi an puang.

Tun season tirah khan Djokovic hian Australian Open a khel thei lo, hripui leng laka invenna vaccine a lak duh loh vang a ni. Tunah pawh invenna hi a la chuang lo, mahse hri lengin ziaawm lam a pan tawh avangin inkaihhruaina dan an siam danglam tawh a ni.

Adelaide International tournament director Alistair MacDonald chuan, "Khawvel player ṭha ber berte an rawn inlan dawn, chung zingah chuan Novak Djokovic pawh a tel," tiin a sawi a, ani bakah hian Felix Auger-Aliassime leh Daniil Medvedev te pawh an inlan ang.

Tournament hi January 1-8 chhunga khelh tur a ni dawn. Season khat chhunga Grand Slam hmasa ber Australian Open chu January 16-26 chhungin an khel thung dawn a ni.