Test cricket tan India an pawimawh - Greg Chappell

Australian legend leh India coach hlui Greg Chappell chuan Covid-19 in nasa takin cricket inelna chi thum ODI, T20 leh Test a nghawng dawn a, Test cricket-in a tuar nasat a rin thu a sawi. Chappell hian Test ti nung zel tur chuan India an pawimawh thu a sawi.

Chappell chuan, "India-in Test cricket an duh tawk hunah he inelna hi chu a tawp mai dawn. India bakah Australia leh England tih loh chu ṭhangthar Test cricket lama kal tura fuih an awm lo. Chutihrualin India captain Virat Kohli-a'n Test cricket pawimawh thu a sawi a, hemi avang hian a kal zel erawh a beisei awm," tiin Test cricket tana India pawimawhna a sawi lang.