Lammualah Red Army

Mizo club zinga I League khel hmasa ber leh champion hmasa ber Aizawl FC hian India ram champion ni turin Mizo mipui lak aṭangin thlawpna an hmu ṭha a, AFC ṭantu ruhkawl bik Red Army pawh an pung chho zel.

AFC ṭantute hian fan club an din chho a, hmun hrang hranga fan club khaikhawm turin Central Aizawl FC Fan Club an din tawh bawk. Fan club chairman R. Lal­rintluanga chuan, "MPL final pual bikin hnatlang kan ko a, flag ṭha­hnem tak final ni hian kan siam ang. Chhinga Veng kan hmachhawn hunah Lammualah kawr sen ha turin AFC ṭantute kan ngen a, kan club hi auh chak ngei kan tum," tiin Vanglaini a hrilh.

Aizawl FC ṭantute hian khelmual pawnah awmze neiin fan club an din a, Lammual chhunga thawm an neih rin leh si loh chuan inenfiah an mamawh ang. Zanin hi I League club player-te fiahna chauh ni loin I League club ṭantute fiahna a ni tel dawn a ni.

MPL6 Final
Chhinga Veng Vs Aizawl FC
Tun season-a inkhelh tawhna
September 15, Zirtawpni
Aizawl FC 2 - 2 Chhinga Veng FC
AFC : K.Lalṭhathanga 19'; Jonathan Lalrawngbawla 49'
CVFC : Malsawmfela 7'; Lalhriatrenga 37' (OG)
MoM : Zothanmawia, CVFC
October 26, Ningani
Chhinga Veng FC 0 - 2 Aizawl FC
AFC: H. Lalmuankima 16'; Jonathan Lalrawngbawla123
MoM : H. Lalmuankima, AFC
Mipui Ṭhutna tur
Chhinga Veng Ṭantute :
K. Kawla Stand leh S. Malsawmtluanga Stand
Aizawl FC Ṭantute :
Zomuanthanga Stand leh Zohminga Zote Stand
Neutral Supporter : Tlang