Record siamtu Amtea hoin Chanmarians chak

Nimin khan Mahuma Memorial Cricket Tournament-ah Chanmarians batsman Lalhmangaiha Ralte (Amtea) chuan run 122 vaw chhuakin record a siam a, Zemabawk Pitchers lakah run 140-in a team hi hnehna a chanpui - Amtea hi Mizoram cricket chanchina innings khata run siam hnem ber a ni.

Chanmarians hian bat hmasak an thlang a, over 40-ah run 261 siamin wicket ruk chiah an hloh - century vaw chhuaktu Amtea bakah Lalhruaizela chu batsman thawhhlawk a ni a, ani hian run 40 a siam ve bawk.

Zemabawk Pitchers tan beisei a tlem a, Remthara'n run 50 lai rawn vaw chhuak ve mah se an target a sang lutuk deuh a, over 31-ah run 121 siamin an out vek - Amtea an ngam lo.

Nimin Inkhel Result
Chanmarians: 261/6 (40) bt Zemabawk Pitchers: 121/10 (31)
Vawiin Inkhel Tur
09:30 AM Kulikawn CC vs Ramhlun Venglai CC