Thuama a lo kir dawn

Indian Super League ṭantira a inhliam hnuah Mizo tlangval Lalthuammawia Ralte a dam tawh a, zanin dar 8:00-a NorthEast United hmachhawn tur Bengaluru FC squad-ah Champhai tlangval hi a tel tawh dawn.

Season ṭantirh khan Champhai tlangval hi a inhliam avangin a inkhel thei lo a, a hmun ruak luah tur hian Gurpreet Singh Sandhu lakluh a ni. India international goalkeeper hi draft ni lo aṭanga lakluh a nih avangin dan ang chuan ISL-a an match hmasa paliah inlan thei lo tur a ni.

Mahse, Thuam a inhliam avangin a hmun ruakah Gurpreet a awm. Kar hmasaa FC Goa an hmachhawn ṭumin Punjabi goalkeeper hi mawi lo takin a che a, red card pek a nih piahlamah AIFF chuan nuai thum chawi tur leh match hnih khel thei lo turin an hrem.

Gurpreet hrem a nih laiin goalkeeper vek Abhra Mondal chu a inhliam bawk a, keeper lama Bangalore club an talbuai lai takin Thuama a dam. Shillong Lajong keeper hlui hian zaninah a club hlui tho NorthEast United a hmchhawn ngei a rinawm.