Mizoram Open Hockey champion Kawnpui

Mizoram Hockey Association buatsaih Open Hockey Tournament 2017 chu nimin khan Armed Veng field-ah khelh zawh a ni a, mipa inelnaah FND Kawnpui chuan Zemabawk North hnehin an champion a, hmeichhe huangah Mizoram University chuan an khingpui Kolasib District 2-1 a hnehin nomawi an chawi bawk.

TFND Kawnpui hian Zemabawk North lakah Lalrinawma goal hnih bakah MS Dawngliana, Hmangaihzuala, MS Dawngkima te goal hmangin 5-1 in hnehna an chang. Zemabawk North goal neihchhun hi David Zorinsanga khung a ni. Hmeichhe final-ah hian MZU tan Lanunfeli chuan goal hnih khungin Lalruatfeli chuan Kolasib tan goal khat a khung ve bawk.

Lawmman
Mipa
Champion : TFND Kawnpui Rs 60,000
Pahnihna : Zemabawk North Rs 40,000
Men of the Tournament : Lalremdika, TFND Kawnpui
Best Goalkeeper : Lalrinnunga, Zemabawk North
Hmeichhia
Champion : Mizoram University Rs 60,000
Pahnihna : Kolasib District Rs 40,000
Best Goalkeeper : F Ramengmawii, MZU Hostel Club
Women of Tournament : Marina Lalramnghaki, Kolasib District