Mahuma Memorial Tournament Div Kulikawnin Ramhlun Venglai an ngam

Mahuma Memorial Cricket Tournament-ah Kulikawnin semifinal lut chiang tawh mah se inthlahdah nan an hman phah lo a, nimin khan Ramhlun Venglai chu ruah sur hnuaiah run 10-in an hneh.

Ṭhumvawra vannei zawk Kulikawn lamin vuak hmasak an thlang a, captain leh innghahna Michael Lalremkima tel loa khel team hian over 50-ah run 196 siamin wicket kua an hloh - all rounder Lalrinsanga leh H. Zothanchhunga ten opening partnership run 81 an nei a, chuti ni lo se Kulikawn hi mualpho thei dinhmunah an ding.

A thiam pali zinga tel tura chak mamawh Ramhlun Venglai lamin an target umphak ngei tum mah se run 32 siamtu Malsawmdinpuia'n thlawptu a nei ṭha tawk lo a, ruah surin inkhel a tihbuai hnuah DL Method hmangin target thlak ni mah se over 28.4-ah run 128 siamin revised target chu run 10-in an phak lo a, an tlawm.

Nimin Inkhel Result
Kulikawn CC: 196/10 (40) bt Ramhlun Venglai: 128/10 (28.4)
*Run 10-in Kulikawn an chak
Vawiin Inkhel Tur
09:30 AM Zemabawk Pitchers vs Tlangnuam CC