Tamil Nadu sawptu Mizoram beiseina a nung

BC Roy Trophy National Junior Football Championship-ah Mizoram chuan nimin khan 8-1 in Tamil Nadu an sawp a, Lalnunzama chuan hattrick a siam.

Mizoram team hian an match hmasa berah rin loh takin Uttar Pradesh chu 1-2 in an ngam lo a, nimin inkhelah erawh an insiamṭha chiang hle. Mizoramin an match hmasa berah hnehna an chan zawh loh avangin semifinal luhna chance a tlem tawh a, beiseina erawh a la thi lo.

Pathianni chawhma dar 10:30-ah Mizoram hian an match hnuhnung ber atan SAI an hmachhawn leh dawn a, he inkhelah hian hnehna an chan a, Tamil Nadui-in Uttar Pradesh an draw emaw an hneh a nih chuan semifinal an lut ang.

Mizoram team manager Samuel Lalrinnngheta chuan, "Group stage kan paltlang theih ngeina tura an ṭawngṭainaa min hre turin Mizo mipuite kan sawm a ni," tiin Vanglaini a hrilh.

Inkhel Result
Mizoram 8 - 1 Tamil Nadu
MIZ: Benjamin Lalhmangaiha 10',32'; F.Malsawmzuala 48'; David Lalnunfela 77'; R.Lalbiakhlua 90+3'; Lalnunzama 55', 58' ,81'
TAM: Sushil 17' ( P )