Goal khung thiam Arsenal an kal fawr

Ningani zan Europa League inkhelah Arsenal chuan an mikhual Bate Borisov chu 6-0 in an sawp. Gunners tan hian player panga Jack Wilshere, Theo Walcott, Mathieu Debuchy, Olivier Giroud leh Mohamed Elneny ten goal an khung a, mikhual defender Denis Polyakov chuan anmahni lamah a khung palh bawk.

Arsene Wenger-a'n Premier League khel tura a rin zawh loh midfielder Wilshere-a'n a thiam thil lantir theihna hun a neih a chhawr ṭangkai a, England international Walcott pawh tlarhma a player hlauhawm ber tih ngam a ni.

Kum 2015 May thla hnua club tana goal khung leh chiah Wilshere chuan, "Kan tana thih theih sang ber chu hun ṭha kan neih changa kan manager lungawina tura khelh a ni," tiin a sawi. England international hian goal a khung bakah inkhel khaikhawmtu a ni a, tun hma lama a theihna sang tak ang kha a nei let leh mek tih a

hriat theih.

Gunners manager Wenger chuan, "Jack kha a khel ṭha hle, a hriamin a thawkrim em em a, minute 70 chhung zet kha chu midfield kha a thunun a ni. Match khelh tur kan ngah hunah tak a rawn khel ṭha chho hi kan tan chanchin lawmawm a ni," tiin a sawi.

Arsenal hian league match khel turin Pathianni tlai dar 5:30-ah Southamton an lenchilh zui nghal dawn a, Saints lakah chuan player langsar rual an inlan leh ang–Wilshere leh Giroud ten bul an ṭan phak lo leh a nih pawhin khelmual chhungah hun tam zawk an chang tawh a nih pawhin a mak lo ang.

Entu tlem

Arsenal hi chak lo pawh nise last 16 an lut chiang tawh a, an mikhual hi European team lian leh langsar an nih loh bawk avangin Ningani zan inkhel entu an tlem hle–Highbury aṭanga Emirates Stadium an luah hnua inkhel entu tlem ber ṭum a ni, fans 30,000 an pungkhawm tling lo.

September thla khan Arsenal hian League Cup-ah Doncaster an mikhual a, hemi ṭuma entu chu 44,064 niin an tlem ber ṭum a ni a, he an record hi Europa League group match hnuhnung berah hian an khum a ni.

Europe–UEFA Europa League
Ningani zan Result
Villarreal 0–1 Maccabi Tel Aviv
Slavia Praha 0–1 Astana
Dynamo Kyiv 4–1 Partizan
Young Boys 2–1 Skenderbeu Korce
Austria Wien 0–0 AEK Athens
Rijeka 2–0 Milan
Atalanta 1–0 Olympique Lyon
Apollon 0–3 Everton
Hoffenheim 1–1 Ludogorets
Istanbul Basaksehir 2–1 Sporting Braga
Zlin 0–2 Lokomotiv Moskva
Kobenhavn 2–0 Sheriff
Hapoel Be'er Sheva 0–2 Viktoria Plzen
FCSB 1–2 Lugano
Zorya 0–2 Athletic Club
Hertha BSC 1–1 Ostersunds FK
Crvena Zvezda 1–0 Cologne
Arsenal 6–0 BATE
Marseille 0–0 Salzburg
Vitoria Guimaraes 1–1 Konyaspor
Zulte-Waregem 3–2 Lazio
Vitesse 1–0 Nice
Vardar 1–1 Rosenborg
Real Sociedad 1–3 Zenit